సమస్యాపూరణాల సమాహారం

One thought on “సమస్యాపూరణాల సమాహారం”

1. శ్రీ చిరువోలు విజయ నరసింహారావు గారు 09-10-2025న వాట్సాప్ ద్వారా పంపిన అభినందన / ఆశీర్వచన పద్యాలు క్రింద ఇవ్వబడ్డాయి.

   తే.గీ. వివిధ యితిహాస విషయాలు పేర్కొనుచును

   క్రొత్త పదము లన్వేషించి, యుత్తమమగు

   పద్య పూరణల్ రచియించి, ప్రతిభఁ జూపి

   కవుల యభినందనల నంది, ఖ్యాతిఁ గాంచె.                     … 1

   తే.గీ. నవ్య పద శోధనా సాధనమున, నందె

   వేసిన కరము సఫలమ్ము వెలయఁ జేయ,

   సమయ, సందర్భ, సముచిత స్థాయి నిలిపి

   హృద్యపూరణ లందించ పద్యములను

   ప్రౌఢ కవు లందు గణ్యుడై ప్రథితు డయ్యె.                       … 2

   తే.గీ. పద్య గమకంబు ధారయు పరిఢవిల్ల,

   మధుర, మంజుల రసమయమైన రచన,

   పద్య కవితా విభూషణం బగుచు నలర

   రచనఁ జేసితి వయ్య, శ్రీ రంగనాధ!                                … 3

   తే.గీ. అర్థ, తాత్పర్య వివరంబు లందుఁ జేర్చి

   పఠితల కవలీల గ్రహింప భాగ్య మొసగి,

   గ్రంథ సంపూర్తిఁ గావింప కష్టపడిన

   నీదు సంకల్ప శక్తికి, నీదు కృషికి

   వందనము లిడి, దీవించి, ప్రస్తుతింతు.                          … 4

   LikeLike

   Reply